Rrjeta e PSK
PSK dënon dhunën e ushtruar në Mitrovicë – qeveria nuk ka arritur ta shtrijë pushtetin matanë Ibrit
Prishtinë, 3 korrik 2010
Partia Socialiste e Kosovës ka dënuar sot dhunën e ushtruar në Mitrovicë ku u vra një dhe u plagosen 11 qytetarë. Sekretari i përgjithshëm Haki Morina, tha se PSK distancohet ashpër nga kjo dhunë që po frymëzohet nga qarqe ekstreme serbe.
PSK-ja mendon se kjo qeveri, por edhe qeveritë e mëparshme nuk kanë arritur ta shtrijnë për asnjë moment pushtetin e tyre matanë Ibrit, për shkak të zbatimit të një politike të gabuar të brendshme e të jashtme, tha Morina në konferencën e sotme me gazetarë.
Mungesa e aftësisë krijuese në politikën e brendshme ekonomike e sociale, e cila konsiston në rritje të lartë të varfërisë së shumicës së popullsisë dhe në anën tjetër pasurim marramendës të një kategorie të vogël përmes formave korrupsioniste, rritja e shkallës së krimit të organizuar, vonesave të mëdha të aprovimit të ligjeve të ndryshme, situatë e pakënaqshme në shëndetësi, arsim, elektro-ekonomi, urbanizëm etj., dhe në anën tjetër paaftësia e institucioneve të Kosovës për të komunikuar drejt me ndërkombëtarët, kanë reflektuar edhe në moszgjidhjen e problemit “Mitrovicë e veriut“.
Deputeti Emrush Xhemajli kërkon miratimin e ligjit për Statusin e Familjarëve të dëshmorëve, invalidëve dhe veteranëve të UÇK-së
Prishtinë, 2 korrik 2010
Deputeti i Partisë Socialiste të Kosovës, Emrush Xhemajli, ka mbajtur sot një konferencë shtypi, në të cilën i ka njoftuar gazetarët se deri ku ka mbërritur nisma e 67 deputetëve të Kuvendit të Kosovës për Projektligjin për plotësimin dhe ndryshimin e Ligjit për Statusin e Familjarëve të dëshmorëve, invalidëve dhe veteranëve të UÇK-së.
Në fillim të konferencës deputeti Xhemajli rikujtoi se Projektligji me 67 nënshkrime të deputetëve është dorëzuar në protokollin e Kuvendit të Kosovës më 30 prill 2009. Kryesia e Kuvendit e ka shqyrtuar dhe i ka dërguar shkresë Qeverisë, nga e cila ka kërkuar mendim lidhur me ligjin. Qeveria i është përgjigjur pozitivisht kërkesës dhe e ka vënë në agjendën legjislative për muajin maj të vitit 2010, të cilën agjendë mandej e ka votuar dhe aprovuar Kuvendi i Kosovës.
E majta politike dhe ndryshimet
Ishte aksioni i përfaqësuesit të Bashkimit Evropian në Kosovë që quhet EULEX, për të hetuar korrupsionin dhe angazhimi amerikan, përmes konferencave të Kristofer Dellit, të cilat i organizoi para disa muajsh në Kosovë, sinjale të mjaftueshme për të kuptuar nevojën për të mbështetur nisma të reja organizimesh politike më vitale, më dinamike dhe më të përgjegjshme që krijuan hapësira bazë për nisje të guximshme politikash të reja dhe moderne.
Partia Socialiste është në gatishmëri e dispozicion të plotë, për të kontribuar në këtë proces të porsanisur, që nënkupton tejkalim cilësor nga ky stad primitiv i organizimit të shtetit demokratik në një stad më të lartë, i cili ka për qëllim, përveç tjerash, edhe profilizim ideologjik etj. të spektrit partiak në Kosovë.
Haki MORINA
Ngado që te sillesh, kudo që të qëndrosh e me këdo që të takohesh, do të ndjesh nota pesimizmi (e mosbesimi) të thellë në aftësitë qeverisëse të politikës së sotme të Kosovës. Dhe s`ke si të ndjehesh mirë në këtë atmosferë deprimuese dhe indisponimi të përgjithshëm e, për më shumë, edhe mungese të theksuar shprese përballë një pamjeje totalisht joevropiane e mungese të theksuar sinjalesh për dalje nga ky mjerim!Shtrohet pyetja pothuajse e të gjitha kohëve, e depresionit politik e moral: ç’të bëhet? Si të veprohet ndryshe?
Duke pasur parasysh faktin se ngado që ta riparosh një godinë të ndërtuar keq, ajo nuk mund të bëhet funksionale, del se duhet rrënuar dhe mbi themelet e saj duhet ndërtuar nga fillimi një të re.
E para, formacionet e ndershme, por të pakënaqura nga politika aktuale e klasës politike, duhet të kuptojnë se janë thjesht dekor, i cili shfrytëzohet prej tyre, dhe përpjekjet e tyre reformuese janë të destinuara të dështojnë. Këto kontingjente progresive duhet të gjejnë forcë diferencimi, të cilat nuk mund të bëhen duke pritur krijimin e vetvetishëm të rrethanave e kushteve të përshtatshme (nuk janë krijuar tani?!), por duke punuar me programe (e projekte) për të realizuar shtylla të qëndrueshme politike, të cilat do të jenë bazë e godinës së re qeverisëse, për të cilën Kosova tani ka nevojë urgjente.
Page 6 of 29